- grettir.net

Við erum svo drykkfelld!

Ég held að það sé betra en að ganga um með haglabyssu og lóga náunganum.

Majae og Olav voru búin að klukka mig fyrir löngu, en ég hef ekki haft nennu til að skrá niður fimm atriði um mig. Enda getur hver sem vill haft samband við mig og spurt ef eitthvað hefur ekki komið fram á síðunni.

En svo ég verði nú ekki alger félagsskítur, þá eru hérna fimm atriði um mig sem ég held að sé ágætt að fólk viti um mig:

Bjór er besti drykkur sem ég veit um. Bjór fer vel í mig og ég er ótrúlega rólegur með víni. Ólögleg fíkniefni hef ég aldrei á ævinni prófað og stendur ekki til. Hver þarf svoleiðis þegar hægt er að drekka bjór?

Ég hætti að reykja (í síðasta sinn vonandi) þann 25. Ágúst síðastliðinn. Ég hef fengið mér einn og einn vindil með bjórdrykkju síðan þá, en daglegar reykingar heyra sögunni til.

Ég á stóra fjölskyldu, en ég er elstur af 6 systkinum. Við erum mjög samheldin og góðir vinir. Ég gæti ekki hugsað mér að vera einkabarn.

Ég set alltaf á mig bílbelti og keyri varlega, sérstaklega þegar ég er með fólk í bílnum. Kannski þykir það ekki kúl, en mér finnst ekki kúl að breytast í grænmeti eða breyta fólki sem mér þykir vænt um í grænmeti.

Ég þekki ótrúlega mikið af skemmtilegu fólki og það sem meira er, ég á ótrúlega mikið af góðum vinum sem ég treysti.


Mig grunar að þessi klukk-leikur sé orðinn þreyttur og gott ef ég er ekki bara síðastur og "er hann" það sem eftir er, svo við klukkum ekki neinn að sinni.

Samkvæmt frétt á mbl.is stefnir Google að því að verða ekki einungis stærsta leitarvél í heimi, heldur geimi.

Ég er búinn að finna mjög gott kex í eldhúsinu. Hafra eitthvað, súkkulaði stöff. Það er æðislegt.

Öðru hverju heyrir maður að Íslendingar séu hamingjusamasta þjóði í heimi.

Hvernig er það hægt með 63.5 milljarða í yfirdrátt? Versluðu menn Prósak fyrir yfirdráttinn?

Ekki er það veðurblíðan. Það er á hreinu.

Nú er allt að gerast í þessum síðumálum og ég hef unnið hörðum höndum að því að koma þessu í lag eftir flutningana. Þetta kemur allt með kalda vatninu og þeir sem mig þekkja vita nú að ég er ekki stressaðasti maður á jörðu.

Anywho.. ég nenni ekki að ræða Baugsmálið, enda allir áhorfendur orðnir hundleiðir á því máli og allir sem í hlut eiga komnir með kúk upp á bak. Bendi bara á Baggalút, sem lýsir þessu ansi vel.

Eins og ég nefndi um daginn, þá sá ég íslenska piparsveinaþáttinn á Skjá einum. Þetta verður langdregnasti raunveruleikaþáttur ever. Leiðinlegri en Idol, sem er að byrja um helgina. Hvað er að fólki eiginlega? Hefur það ekki séð fyrri Idol seríur? Veit það ekki hverju er verið að leita eftir? Aftur og aftur mætir þarna fólk sem myndi ekki halda laglínu þó einhver miðaði á það byssu.

Ég kenni Singstar um þetta :-)

Við erum svo miklar hermikrákur. Eins og flestir vita eru nú að byrja íslenskir piparsveinaþættir og Kapteinn Flygenring ætlar að sigla með eitthvað lið á Ástarfleyinu á haf út.
Ég spurði bróðir minn í gríni hvort hann væri ekki búinn að skrá sig:

Nei, ég er ekki hvorukyn..
Ha?
Já, það er verið að auglýsa eftir átta einstaklingum af hvorukyni.

Það fór allt í tóma steik hérna á síðunni í síðustu viku og mér sýnist þetta ekkert vera á leiðinni í lag.

Því brá ég á það ráð að læra php í snatri, setja upp MySQL á heimilistölvunni og er að myndast við að breyta síðunni allri svo ég geti bara sjálfum mér um kennt ef eitthvað fer í kleinu. Apache serverinn var uppsettur fyrir myndirnar, svo þetta var ekkert gríðarmikið maus.

Útlitin munu koma til með að týnast inn eitt af öðru, á meðan verðið þið bara að sætta ykkur við þetta hvíta/bláa rólega útlit.

Mér er búið að vera svo mál að segja frá ýmsu fyndnu/skemmtilegu/asnalegu/fíflalegu/klaufalegu undanfarið að það er ekki fyndið. Ég held ég sé háður þessari síðu.

Well, best að halda áfram að vinna í uppfærslunni. Ég á alveg eftir að forrita administrator viðmótið, svo ég verð kannski ekki alveg fyrstur með fréttirnar - í bili.

Mér finnst þetta svoooo fyndið.

---

Ég fékk ekki nógu góðar fréttir í vinnunni í morgun. Það var ekki mjög fyndið. Lítur út fyrir að utanlandsferðir haustsins séu í uppnámi, en ég er búinn að hlakka til í allt sumar að komast til Ameríku að versla mér iPod.

---

Helgin var með besta móti. Drukkið og étið í góðra vina og systkina hópi á laugardaginn. Það var bara hið besta mál. Note to self: fá uppskriftina að þessu snilldarpasta sem var á borðum.

Meira svindlið að heimsmetið í sippi skuli ekki vera miðað við höfðatölu. Nú eiga kínverjar metið með einhver skitin 2400 kvikindi. Það er eins og einn Íslendingur myndi sippa, með annarri og ónýtu sippubandi.

Ég gleymdi alveg að tala um hina frábæru mynd, 10.5, sem var framhaldsmynd mánaðarins um daginn og Bo Halldórs mælti eindregið með.

Þvílíka ruslið, maður minn. Óraunverulegri mynd hef ég ekki séð á ævinni. Þegar skjálftasprungan elti járnbrautarlestina, í beygjum og hvaðeina, þegar liðið notaði kjarnorkusprengjur til að "bræða saman" misgengið til að stöðva skjálftana (Bush hefur greitt framleiðendum myndarinnar vel fyrir jákvæða ímynd kjarnorkusprengja) og þegar hjólreiðakappinn hjólaði undan Geimnálinni í Seattle.

Fyrir utan þessi augljósu atriði, hvar voru steliþjófarnir, byssumennirnir sem skjóta á björgunarfólk eða nauðgararnir sem nýta sér eymd fátæka fólksins sem komst ekki úr borginni?

Ég tók svona Persónuleika próf að beiðni félaga míns og fyrrverandi verkefnisstjóra sem er í MIT núna að læra og var að spá í hvernig verkefnishópurinn sem hann stýrði var samsettur.

Ég er ESFJ týpa, sem stendur fyrir Extraverted, Sensing, Feeling, Judging.

Störf sem henda mér eru hjúkka, bókasafnsvörður og tryggingasölumaður, svo einhver dæmi séu nefnd. Veit ekki hvað ég er að paufa við forritun alla daga, þegar ég gæti verið að nudda eða kenna ensku, verið "professional volunteer" (hvernig er maður atvinnumaður í sjálfboðavinnu?) eða verið aðstoðarmaður tannlæknis.

Þennan fékk ég í email-i áðan:

What is the difference between girls/woman
aged: 8, 18, 28, 38, 48, 58. 68, and 78 ?


At 8 -- You take her to bed and tell her a story.



At 18 -- You tell her a story and take her to bed.



At 28 -- You don't need to tell her a story to take her to bed.



At 38 -- She tells you a story and takes you to bed.



At 48 -- She tells you a story to avoid going to bed.



At 58 -- You stay in bed to avoid her story.



At 68 -- If you take her to bed, that'll be a story!



At 78 -- What story??? What bed??? Who are you???

Ég er búinn að vera með áskriftar lottómiða síðan ég veit ekki hvenær, en loksins loksins loksins vann ég!

Ég er að spá í að hætta snemma í dag og fagna.

Látum okkur sjá, hvað fær maður fyrir tvö þúsund kall?

Fínt að naga blýanta í Seðlabankanum á tækniöld. Þá er jafnvel enn minna að gera en áður.

Hvernig er hægt að þingfesta skyrmál? Og hvar fær maður svoleiðis? Ikea?

Vinnufélagar mínir eru búnir að smala í myndarlegan hóp á Hereford steikhús fyrir kvöldið, en það er tilboð þar í gegnum World for 2. Það verður æðislegt.

Þegar ég var lítill byrjaði ég stundum að moka holu og átti að sjálfsögðu von á því að hitta Kínverja.

Nú getur maður kannað hvar maður endar með aðstoð Google map og niðurstaðan er ekki hressandi. Maður endar úti á miðju hafi sunnan við Ástralíu.

Hvaða skepnuskapur er það að hafa þennan Jamie Oliver á dagskrá þegar það eina sem maður nennti að elda var skyr?

Það er einhver mánudags flensa í mannskapnum sem vinnur með mér. Ég fór á stöðufund áðan í verkefni sem ég er að vinna í og við mættum tvö.

Engin flensa í mér. Stálsleginn alveg. Reyndar með pínku móral eftir föstudagskvöldið, en það er ekkert sem á eftir að endast.

Hvaða asna datt í hug að selja áfyllingar á plasthaldfangið sem maður setur í klósettskálina fyrir vellyktandi?

Eins og maður hafi eitthvað áhuga á því að koma við plastdraslið og troða nýju dóti á það? Þetta er gott dæmi um umhverfisvernd sem gengur of langt. Nú ætla ég til dæmis að henda áfyllingunni sem ég keypti óvart og versla mér nýja með plasthaldfangi.

Merkilegir apakettir þessir bandaríkjamenn. Svo glorhungraðir eftirlifendur fellibylsins éti nú örugglega ekki neitt úr matvöruverslununum sem marra hálfar í kafi, þá eru sendir hermenn á staðinn með haglabyssur til að hafa hemil í lýðnum.

Ef ég ætti matvöruverslun þarna á bólakafi, ætli mér væri ekki slétt sama þó einhverjir ætu draslið sem eftir væri í búðinni. Ef það yrði til að bjarga einhverjum frá sulti - gott mál.
Ætli það séu ekki frekar tryggingafélögin í eigu ríkra vina Búss sem sjá fram á að finna heilt brauð eða heilan kálhaus sem draga mætti frá tryggingabótum búðarinnar.

Sumarið búið. Mig langar í skóla. Nenni ekki þessu vinnubulli endalaust.