- grettir.net

Keypti mér einnota mp3 spi... *hóst*... digital audio spilara um daginn. Kostaði einhvern þrjú þúsund kall og hentar mér ágætlega í gymmið.

Hann entist eitt skipti.

Ég gerðist nefnilega áskrifandi að Audible.com um daginn og stóð til að nota tímann til að hlusta á einhverjar skemmtilegar bækur á meðan.
Lítur út fyrir að maður verði að fara út í dýrari fjárfestingar til að fullnægja bókaorminum í mér. Eða lesa bara skræðurnar á kvöldin og henda imbanum út í garð.

Annars mæli ég með þessu Audible dæmi. Endilega, ef þið ætlið að kaupa, sendið mér póst og leyfið mér að senda ykkur invite. Þá fær strákurinn inneign sjáiði :-)

...
- grettir :: það er ekki allt elektrónískt skemmtiefni bannað og hættulegt

Einhver í vinnunni hefur annað hvort gefist upp á bíldruslunni sinni eða tekið það næst besta ef maður á ekki blæjubíl.

Nema að lyftan í húsinu hafi bilað og einhver hafi séð aumur á feitabollunum og boðist til að koma þeim hratt og örugglega á sinn stað, hvað veit ég?

Jæja, hvað á að gera í hádeginu?

Ætli maður fari ekki út að lyfta. Lyfta feitabollum.

...
- grettir :: hefurðu séð nýja pimpmobile-inn minn?

Var að fá Vísa reikninginn minn.

Time to execute myself. Eða kortið.

...
- grettir :: hvar eru skærin?

Maður er búinn að heyra ýmsar fyndnar sögur úr þessu þáttum, When sex goes wrong, sem er á Stöð 2 á miðvikudögum, stelpuztöð.
Þess vegna reyndi ég allt hvað ég gat til að reyna að halda mér vakandi yfir þessum ömurlega Footballer kellingaþætti. Það tókst, en af því að ég er með vott af svefnsýki tókst mér hins vegar ekki að vaka yfir öllum kynlífsþættinum.

Blanda af hálfum þættinum og sú staðreynd að ég steinsofnaði fékk mig til að pæla aðeins í þessum skyndikynna pakka.

Ef annar aðilinn (til dæmis ég) sofnar í miðjum klíðum sökum ölvunar/leiðinda/þreytu/svefnsýki á maður þá ekki rétt á því að sækja um að fá að gera aftur?
Það hljóta að vera einhverjar reglur til um þetta.

Annars væri ótrúlega hressandi að fá að heyra einhverjar vandræðalegar sögur frá ykkur! Megið þess vegna skrifa undir dulnefni ef þetta er eitthvað leyndó.

...
- grettir :: ég er efni í heilan episode í þessum málum

Af hverju fréttir maður ekki að það sé bíllaus dag fyrr en maður er mættur, á bílnum að sjálfsögðu, upp í vinnu?

Ekki það að mér hefði dottið í hug að taka 1,5 tíma strætóferð hérna upp í rassgat.

Verður maður ekki líka að tjá sig um þetta verkfall kennara. Kostirnir sem ég sé í fljótu bragði er að ég losna við krakkaskrílinn sem er með hávaða og læti fyrir utan gluggann hjá mér í frímínútum. Ókosturinn er að sjálfsögðu að við sitjum uppi með heimskari krakka sem kunna ekki að skrifa íslensku.

Ég hef nú ætíð verið þeirrar skoðunar að kennarar eigi að vera hálaunastétt, enda er menntun ekki metin til fjár. Maður missir samt einhvern veginn samúðina með þeim blessuðum þegar þeir byrja á því að básúna hvað þeir eigi mikið í verkfallsjóði og geti þess vegna verið heillengi í verkfalli. Og þegar þeir líta á það sem verkfallsbrot að fyrirtæki og stofnanir taka að sér að passa þessa grislinga meðan foreldrarnir eru í vinnunni.
Það hlýtur að teljast niðurlægjandi fyrir kennara að verkfallsverðir líti á þá sem barnapíur.

...
- grettir :: ég gæti passað, en ekki kennt

Verst að Jukkur (held að blómið á heimilinu heiti það) geta ekki fagnað manni gríðarlega þegar maður mætir heim eftir vinnuferðir. Satt best að segja, þá var hún hálf tussuleg og hefði líklega ekki fagnað mér þó hún gæti, enda ekki fengið vott né þurrt meðan ég var í burtu.

Well, Frankfurt er alger snilld, ódýr bjór og mikið mannlíf. Verst þótti mér að vera tekinn þurrt í sparigatið varðandi þetta hótel, en eins og ég sagði hér á undan, þá var einhver bílavika núna og þá þykir leðurhommunum (hóteleigendunum) bara sjálfsagt að smyrja 150% ofan á hótelverðið og því ekki ein evra eftir af dagpeningunum og Visa kortið alveg að eipa á heimildinni. Stefnir í met reikning næstu mánaðarmót, því ofan á þessa ferð + óhófleg eyðsla þennan mánuð, þá er eitt stykki Ríó ferð á þessu tímabili.
Stefnir allt í að maður verði að hringja með skottið á milli lappana í vinkonu mína í bankanum og biðja um miskunn.

Tilraun var gerð til að sigrast á lofthræðslunni með því að skunda með lyftu upp á hæsta turninn þarna í miðborginni. Ég svitna í lófunum bara við að skrifa þetta, enda þori ég varla að standa upp á stól, hvað þá meir. O, jæja. Útsýnið var magnað svo maður taki nú ekki dýpra í árinni en það.

Nú er ég búinn að sofa myndarlega, taka duglega á því í ræktinni og nú er stefnan sett á Húsafell þar sem mín er vænst í afmælis/pottapartí veislu.

...
- grettir :: best að hella uppá sig

Það er einhver ráðstefna hérna í Frankfurt þessa viku sem olli því að mér var troðið inn í eitthvað pínkulítið hótelherbergi sem býður ekki beint upp á nein víðavangshlaup.
Hér má til dæmis sjá aðstöðuna sem ég hef til brúnahleypinga. Það er ekki mikið pláss fyrir hnén þegar maður er sestur á þetta postulín.

Hins vegar verð ég að lýsa yfir ánægju minni með það hugvit sem legið hefur að baki þegar innanhússarkitektunum datt í hug að skrúfa eitt stykki öskubakka úr bimmastáli við hliðina á vaskinum. Það er auðvitað helber nauðsyn að geta strompað eins og maður fái greitt fyrir það í Evrum á meðan maður skolar á sér krumlurnar.


...
- grettir :: magnaðir þessir Þjóðverjar

Skv. mbl.is veðrinu, þá stendur til að það rofi til í næstu viku. Og hvert fer rigningin?

Nú auðvitað beina leið til Frankfurt.

Annar galli við þessa vinnuferð er að nú fer gym-átakið í tómt bull, en ég er búinn að vinna hörðum höndum að því að losa mig við þessar tvær kippur af bjór sem fluttust inn í sumar. Bara hálf eftir, þetta er allt að koma.

...
- grettir :: rigningin er ekkert góð

Þið ráðið hvort þið smellið hér og eyðileggið ykkar líka.

Þessi leikur er meira ávanabindandi en Bubble Shooterinn sem kostaði mig eitt fall í skólanum hérna um árið. Spurning hvort ég verði rekinn í þetta skiptið.

...
- grettir :: ég er svoooo lélegur í þessum leik

... sem rannsökuðu dularfullt morðmál þar sem gestir veitingastaðar dóu úr dönsku, þá er ég við það að drepast úr sænsku. Meira hvað endalaust er hægt að flytja fréttir af þessu kóngafólki. Ef það viðrar ekki vel á þetta pakk, þá rignir á það.

...
- grettir :: úú.. ég er svo merkilegur.. kóngur og allt

Suma daga færi nú betur að maður væri bara heima.
Framan af morgninum lítur allt þolanlega út, fyrir utan ömurlega rigningu. Svo kemur maður í vinnuna og í fyrsta pissustoppi sér maður í speglinum að þessi fína skyrsletta er framan á bolnum. Eins gott að ég átti ekki að mæta á fund með einhverju fínu fólki í bítið.

Sem betur fer horfi ég fram á bjartari tíð með blóm í haga, því ég er að leiðinni til Þýskalands á Sunnudaginn og ef ég man rétt þá var ekkert nema gott um það segja. Ekkert skyr í morgunmat allavega.

...
- grettir :: skilst að það sé sól þar meira að segja

"Raunveruleikaþættir" náðu nýjum lægðum í gær, en þá byrjaði enn ein deiting serían og nú er piparjónkan með skaufa. Sem keppendurnir að sjálfsögðu vita ekki af.
Seinna um kvöldið var síðan styttri og "djarfari" útgáfa sem ég hafði ekki nokkurn áhuga á að sjá eftir að hafa heyrt hann/hana segja frá leyndarmálinu.

Þetta er bara áminning til mín áður en ég held til Ríó að passa mig á þessum latínó gellum. Maður veit aldrei og að gefinni ævilangri heppni minni í kvennamálum, þá er þetta týpískt eitthvað sem gæti komið fyrir mig.
Og ég myndi að sjálfsögðu aldrei segja frá því.

...
- grettir :: íslenskt, já takk

Hvaða heilbrigt fólk tekur upp síma klukkan hálf sjö á morgnanna og hringir í skakkt númer?
Hér eftir verður gemsinn á silent á nóttunni og snúran tekin úr sambandi á heimilisgræjunni.

Ehh, afsakið...

...
- grettir :: nei, ég held nú síður! þú ættir ekki að hafa síma.