- grettir.net

Djöfull væri hressandi að fara út með kúbein og reka í hausinn á þessum vörubílstjóra asna sem er búinn að vera með bílinn í gangi hérna fyrir utan í rúman klukkara.

...
- grettir :: það nötrar allt og skelfur hérna

Mér finnst sorglegt að Hard Rock sé að loka. Ég á eftir að sakna Grísasamlokunnar.

Ætli þeim hafi ekkert dottið í hug að slá aðeins af 3000% álagningunni til að fá fólk inn í mat? Maður fór aldrei þarna nema á tyllidögum vegna fáránlega hárrar verðlagningar.

...
- grettir :: nei, það má ekki lækka! Hver borgari verður að skila 30 földu tilbaka.

Ég er á leiðinni á rokk hátíð í Belgíu næstu mánaðarmót eins og ég var búinn að grobba mig af, en nú var að koma upp ferð til Hollands í júlí á einhverja tölvunördaráðstefnu, sem verður prýðilegt.

Óstaðfest er svo fimm vikna vinnureisa næsta haust til Bandaríkjanna, London, París, Þýskalands og Danmerkur, vika á hverjum stað.

...
- grettir :: I love my job..

Fékk rosalegt þjófavarnarkerfi í afmælisgjöf frá systkinum mínum og mági. Innbyggt fjarstart sem dregur upp á Akranes, fjarstýringin er með skjá með mynd af bílnum, lætur mig vita ef einhver er að fikta og ég veit ekki hvað og hvað.

Þetta var sett í bílinn í gær og ég hjólaði því í vinnuna úr Síðumúlanum. Ég verð nú að segja að ég horfi öðrum augum á þessa fjandans Ártúnsbrekku eftir þá þolraun. Þetta er ekkert smá brött brekka þegar maður er á hjóli með laptop töskuna á hliðinni.

---

Samkvæmt ríki mínu á vefnum er ég afbragðs stjórnandi:
Crime is totally unknown.
Tax rate is 20%
Tiny government devotes most of its attentions to Education
Civil rights excellent
Political freedoms excellent
Economy thriving

Hver segir svo að menn þurfi annað hvort að styðja fyrirtækin eða litla manninn? Og hver þarf álver?

...
- grettir :: má ekki nota rafmagnið í eitthvað annað? Til dæmis, búa til vetni og selja útlendingum.

Djöfuls fokk að taka heilt dagskrárkvöld undir þetta drepleiðinlega Idol crap.

...
- grettir :: búúhú

Bráðum verður hægt að fá lyf við öllu. Nú eru Kanarnir að hanna lyf gegn ótímabæru sáðláti.

...
- grettir :: er þetta ekki bara spurning um að æfa sig?

Kíkti á Star Wars í gær. Fín ræma, þó ég sé nú enginn aðdáandi. Man ekki eftir að ég hafi séð númer tvö, en þessi var ágæt engu að síður.

Eitt sem ég fatta ekki. Hvað eru þessir Jedi gaurar að paufast með sverð í öllum bardögum? Miklu afkastameira að vera bara með almennilega vélbyssu.

...
- grettir :: Yoda uppáhalds kallinn, minn er

Það er óhætt að segja að afmælisveislan hafi verið vel heppnuð á föstudaginn. Ég allavega svaf til tæplega þrjú og hafði ekki orku í neitt djamm á laugardagskvöldið.

Einhver afföll urðu á gestum, einhverjir höfðu ekki fengið sms boðskort, en allflestir skiluðu sér þrátt fyrir það. Nú taka bara við vikuþrif, enda var íbúðin pakkfull út úr dyrum á tímabili. Sérdeilis prýðilegt það.

Reyndar var svo mikið rok rassgat að partítjaldið hékk ekki uppi nema í mesta lagi 15 mínútur. Fyrir næstu afmælisveislu verð ég búinn að byggja sólskála yfir meirihlutann af garðinum. Eða kaupa stærri íbúð.

En takk allir sem sáu sér fært að mæta, vona að allir hafi skemmt sér vel :-)

...
- grettir :: kominn í frí frá djammi, eina eða tvær helgar...

Hingað til hefur þetta bara verið eitthvað sem kemur fyrir annað fólk. En nú, kæru vinir, hef ég orðið fyrir barðinu á þessu líka.
Já, kallinn er bara orðinn þrítugur. *sniff*

Þegar ég var lítill, þá var ég að pæla í því hversu gamall ég yrði þegar árið 2000 gengi í garð og hugsaði með mér Vááá, maður.. ég verð tuttugu og fimm.
Svo sá ég fyrir mér tvöfaldan bílskúr við stórt einbýlishús, jeppa og vélsleða í innkeyrslunni, konu og þrjú börn.
Aldrei hugsaði ég til 2005. Hef líklega ályktað sem svo að enginn yrði svo gamall.

Mér finnst ekki svo langt síðan ég varð tvítugur, en ég man að það var með eindæmum skemmtilegt partí, en það hefur ansi margt gerst á þessum 10 árum. 1995 var varla til internet og gsm símar var eitthvað sem maður sá bara í framtíðarmyndum og þá á stærð við brauðrist.
Ég náði mér í BS próf í tölvunarfræði, var á föstu í samanlagt 5 ár, hef eignast flesta af mínum bestu vinum á þessu tímabili, leigði í tæp 5 ár, keypti mér loks íbúð og ekki má gleyma nýja reiðhjólinu. Fyrir rúmum tveimur árum keypti ég svo aftur bílinn sem ég átti þegar ég var tuttugu og eins. Ég náði að þyngjast um 20 kíló á síðustu 10 árum en náði þeim af mér aftur.

Kannski er ekkert svo slæmt að vera þrítugur. Mér líður allavega ekkert öðruvísi en í gær eða fyrir fimm árum. Held svei mér þá að ég sé meira að segja í betra formi heldur en fyrir 10 árum. Svo markmiðið er einfalt. Láta mér líða betur og skemmta mér betur næstu 10 ár heldur en síðustu 10. Munurinn á milli 20 og 30 annars vegar og 30 og 40 hinsvegar er sá að nú hefur maður efni á að gera það sem manni langar til svo því ekki að gera bara það sem mann langar til. Og ekki þarf að borða núðlur með því eins og þegar maður var rúmlega tvítugur, skítblankur á námslánum í leiguhúsnæði.

...
- grettir :: fertugsaldur, hér kem ég, hress sem aldrei fyrr

Föstudagurinn þrettándi var ekkert öðruvísi en aðrir dagar fyrir mér, en miðvikudagurinn 18. er nú meira prumpið. Nú er klukkan 09:01 og það sem hefur gerst er eftirfarandi:

Spilarinn minn varð batteríislaus á brettinu í morgun.
Ég gleymdi rafmagnssnúrunni fyrir lappann og þurfti að fara heim aftur að sækja hana.
Ég rak hnéð í þegar ég fékk mér kaffi.
Þjófavarnarkerfið fór í gang í vinnunni.
Það er einn dagur í að ég verði fjörgamall.

...
- grettir :: dagurinn getur bara batnað

Tölvumúsin mín gaf upp öndina um daginn. Ég dreif mig í eina tölvubúð hérna í bænum og verslaði mér svona þráðlausa í staðinn. Eini gallinn, sagði búðarmaðurinn, er að það fylgir ekki hleðslutæki með, en það fylgja fjögur hleðslubatterí.

Hmm - hugsaði ég - og minnti að ég ætti einhversstaðar hleðslutæki. Ojæja, ég kaupi hana samt sagði ég ákveðinn.

Þegar ég kom heim var stór mynd aftan á kassanum með lýsingu um það hvernig maður ætti að setja tvö batterí í hleðslu í móttakara únitinu og tvö í músina og skipta svo þegar músin væri batteríislaus. Svona nokkurs konar hringrás, if you will.

Hvað ætli margir séu búnir að hætta við að kaupa þessa músategund af því að þeir eiga ekki hleðslutæki? Og hvað margir ætli hafi keypt hleðslutæki með músinni?

Hérna er mynd af kvikindinu.

...
- grettir :: og nú getur maður hlaðið batterí fyrir skeggsnyrtinn líka!

Í gær heyrðust í fyrsta sinn í heilt ár ryksuguhljóð úr íbúðinni að ofan.

Það þýðir bara eitt. Granninn er að flytja.

...
- grettir :: svaf eins og ungabarn í nótt

Gullmolarnir eru byrjaðir að streyma frá nýjum páfa og segir hann skv. frétt á mbl.is að Satan sé að dreifa illri orku í heiminum.
Ég verð nú að segja að myndin með fréttinni segi meir en mörg orð. Hvaða krípí svipur er þetta?

...
- grettir :: kölski sjálfur?

Það er nú eitthvað dularfullur þessi recurrence fídus í Outlook vefviðmótinu. Ég var boðaður á fund "Every day(s)" -> For 2 day(s), sem sagt á morgun og hinn.

Lítur út fyrir að miðviku- og fimmtudagar séu bókaðir hjá mér út árið, því þetta tveggja daga skilyrði fór eitthvað framhjá Outlúkkinu.

...
- grettir :: Outlúkkið heldur manni við efnið

Keypti mér hræódýran Audio spilara, Elto eða e-ð, í Þýskalandi í fyrra til að nota í ræktinni.
Hann er nú furðulegt tæki. Það virðist ekki vera hægt að hlaða hann fyrr en batteríið er alveg dautt. Því hef ég gripið á það ráð að plögga honum í USB tengið og ýta á play. Fyrir rest verður hann rafmagnslaus og byrjar þá að hlaða.

...
- grettir :: ómögulegt að hlusta á PopTíví, alltaf sömu lögin

Einhverjum yfirmanns snillingnum hérna datt í hug að það væri snjallræði að spara nokkra þúsund kalla og fá iðnaðarmenn hingað á dagvinnu til að brjóta upp flísar.

...
- grettir :: þetta á eftir að bíta þá í rassinn

Skjárinn við heimilistölvuna mína er farinn að gera frá sér einkar sérkennileg búkhljóð. Mig grunar að dagar hans verði brátt taldir.

...
- grettir :: fæ mér flatan næst

Djöfull er ég ánægður með þessa frídaga sem dembast á mann þessar vikurnar. Aftur komin helgi, íha. Reyndar bölvað svindl að 1.maí skyldi vera á sunnudegi.

Á morgun fer ég í óvissuferð með vinnunni. Það verður sérdeilis prýðilegt.

...
- grettir :: *glúgg glúgg glúgg*

Vaknaði svo ljómandi hress í gær að ég ákvað að dusta rykið af hjólinu mínu. Tók hjólreiðastíginn út á Nes, meðfram ströndinni, Ægisíðuna, út í Nauthólsvík, yfir brúnna á Reykjavíkurveginum og í gegnum allan Fossvoginn. Þaðan Bústaðaveginn, inn í Hlíðarnar og niður í bæ og þaðan heim.

20 km spank you very much.

Þegar maður er svona duglegur, þá verðlaunar maður sig myndarlega og bregður sér í bæinn á eftir og fær sér einn öl.

...
- grettir :: svo illt í rófubeininu, að ég get bara setið á klósetti í dag

Enn eitt Blaðið (frumlegt nafn... þetta er eins og einhver myndi framleiða bíl sem héti bara Bíllinn) sem kemur til með að streyma inn um bréfalúguna óumbeðið.

Þetta þýðir bara fleiri ferðir út í tunnu, með fangið fullt af Fréttablaði, Vesturbæjarblaði, Nóatúns-, Hagkaups-, Bónus-, Byko og Húsasmiðjubæklingum, Dagskránni og nú Blaðinu.

Spurning um að setja bara ruslatunnu beint undir bréfalúgunni.

...
- grettir :: eru engar ruslpóstsíur sem virka á þetta?

Það er ávísun á heimsókn til tannlæknis að taka lúkufylli af M&M sem búið er að blanda bingókúlum saman við.

...
- grettir :: áts

Djöfull er ég ánægður með þetta "Hjólað í vinnuna" framtak.

Nú er mun auðveldara fyrir mig að fá bílastæði og gat ég parkerað beint fyrir framan dyrnar í morgun. Svona á þetta að vera!

...
- grettir :: vona að það verði bráðabani

Djöfull var kalt í morgun.

Átakið hjólað í vinnuna gat ekki verið á misheppnaðri tíma. Ég hefði ekki hjólað í morgun "at gunpoint".

Helgin var með rólegasta móti, fékk mér 3 bjóra eða eitthvað á föstudaginn og fór snemma heim. Eyddi svo bara laugardagskvöldinu fyrir framan kassann, horfði meðal annars á Ocean's Twelve. Skítsæmileg, fyrri myndin var betri.

Svo sá ég á visir.is að Blúmmarinn var í Ríó á sama tíma og ég. Ekki það að ég hefði þekkt hann úti á götu, ég er eitthvað svo ómannglöggur. Ef þið hafið veifað mér og ég ekki til baka, þá er það ekki viljandi gert.

...
- grettir :: *veif*