- grettir.net

Bússinn klikkar ekki á því.

Ætli hann hafi nokkurn tíma getað svarað öllum spurningunum á prófi?

...
- grettir :: snillingur

Hver man ekki eftir öllum fögru skattalækkunar loforðunum sem fengju að fljúga fyrir síðustu kosningar. Samkvæmt mbl.is verður nú líklega ekkert af því í bili.

En ef á að koma höggi á Baug undir belti, þá eru málin drifin í gegn.

Nú er ég kannski bara að tala fyrir mig, en ég væri mikið meira til í smá skattalækkanir. Nóg borgar maður nú samt í formi tekjuskatts, neysluskatts, vörugjalda og ofurtolla.
Ég treysti mér alveg til að velja mér blöð til að lesa, eða fréttir til að horfa á. Og trúa því sem ég vil.

En svona er þetta. Maður er líklega svo vitlaus að það þarf að mata ofan í mann hvað eru "góðar" og "vondar" fréttir. Og klípa af manni hverja krónu í leiðinni.

...
- grettir :: skítapleis

Ég er búinn að vera á leiðinni til Bandaríkjanna síðan 8. mars, en ferðinni hefur ítrekað verið frestað af óviðráðanlegum orsökum.
En núna er það confirmed, ég fer á næsta sunnudag. Reyndar overlappar það við bústaðaferð í Húsafelli sem við strákarnir erum búnir að plana um næstu helgi, en maður verður bara að vakna um hádegi og bruna á völlinn.
Eins gott að lögreglan verði hvergi á leiðinni að leika sér með nýja dýra tækið sem ku geta mælt mann úr kílómeters fjarlægð.

Þá fjúka dagpeningarnir á einu bretti.

Nú hef ég aldrei komið til Bandaríkjanna, ætli manni verði ekki snúið við á vellinum, með 9 ára gamalt vegabréf og 10 ára gamla passamynd? Spurning um að mæta nýrakaður.

...
- grettir :: Bússinn sendir mig heim með rakettureyk

Þetta var stutt gaman. Nú er aftur komið haust.

Mér þykir ótrúlega gaman þegar ég er haugsyfjaður á morgnanna að týna saman gym-dótið mitt og kemst svo að því eftir sturtuna að ég hef tekið sokka af sitthvoru taginu.

Maður er eins og trúður, gríðarskemmtilegt.
Skemmtilegra var þó að hópur af mongólítum mætti í leikfimi. Mongólítar eru hamingjusamasta fólk í heimi. Ef allir væru mongólítar, þá væri gaman að vera til.

...
- grettir :: tíhíhí

Ég hóf sumarið á því að sofa fram yfir hádegi. Þá sá ég að veður Siggi hafði haft rétt fyrir sér og úti var afburða fínt veður skal ég segja ykkur.

Ég fór því á bensínstöð og henti öllum hreinlætisvörunum sem höfðu frosið í skottinu og keypti nýjar (ég veit, ég er skussi). Ég henti líka sköfunni, en hún hafði brotnað í vetur, við gríðarlegan fögnuð minn þann morgun, en þá fékk ég að klára skafið með höndunum. Æðislegt.
Svo bónaði ég hátt og lágt, hefði þrifið að innan ef einhver hefði ekki verið búinn að stela ryksugunni.

Mér tókst meira að segja að gera góðverk í dag. Einhver gömul kona kom á bensínstöðina eftir lokun og kunni ekki að dæla sjálf. Og dælan tók bara kort, svo ég tók bara út af mínu fyrir hana. Svo fór ég sjálfur upp í Kópavog og fyllti hjá Atlantsolíu. Þar var meiriháttar gella að vinna.
Já, sumarið byrjar svo sannarlega vel.

Tölvukunnátta mín borgaði sig líka feitt í dag, en út á hana var mér boðið í kaffi og vöfflur í Breiðholtinu um fjögur leytið og svo í grillað lambafille í Grafarvoginum um sjö leytið.

Svo styttist í afmælið mitt, en þá verður sko grillað og þambað rauðvín. Ég þarf eiginlega að byrja að skipuleggja hvenær væri best að halda grill/afmælis/innflutnings veisluna. Það er spurning um að hafa þetta á Júróvisjón kvöldinu? Eða helgina eftir... nú verður maður að fara að hringja út vinina, þetta líður allt of hratt.

...
- grettir :: excellent

Þar kom að því. Bíllinn bilaði.
Á föstudaginn fór ég í tómu rokki beina leið í vinnuna. Eftir hádegi fékk ég þá stórkostlegu hugmynd að nú væri kominn tími á nýjan síma og ætlaði að skunda niður í Tal.
Bimmanum hefur fundist þetta vera óþarfa peningasóun og ákvað að ég ætti frekar að eyða peningum í hann og neitaði að fara í gang.

Ég lét Krók kippa honum á verkstæði og fékk þær góðu fréttir í gær að þetta væri ekkert alvarlegt, biluð bensíndæla var allt og sumt, enda bíllinn kominn til ára sinna.
Ég fékk líka þær vondu fréttir að dælan fengist hvergi og var ég farinn að pæla í eftirfarandi smáauglýsingu í Fréttablaðinu:

Bilið bensíndæla til sölu, BMW fylgir.

Fékk svo þær stórkostlegu fréttir áðan að verkstæðið hefði fengið dælu og ég kemst því í vinnuna á morgun. Enda dedd boring að hanga einn heima og vinna.

Ég á líka eftir að segja frá stórkostlegri óvissuferð sem ég fór í á laugardaginn. Hún var svo vel heppnuð, að hún var alger óvissa fyrirfram og næstum hálfan þunnudaginn, því ég var heillengi að rifja upp hvað var gert.
En við brunuðum sem sagt upp í Borgarfjörð, fórum í leiki og á fjórhjól, svo var slegið upp heljarinnar grillveislu í gamalli hlöðu þar sem grillað var lamba fille og svínaket. Og auðvitað hellt í sig, með karókí og alles.

...
- grettir :: alger snilld

Á morgun stendur til að fara í óvissuferð, til að fagna ægilegum gróða síðasta árs. Þetta verður eitthvað suddalegt, því við eigum að mæta um hádegi, með útifatnað og sundföt.

Ég veit ekki með ykkur, en ég er geðveikt spenntur, tíhíhí.

...
- grettir :: það verður sko langferðabíll

Jæja. Ákvað loksins að endurnýja bumbukortið mitt, enda ekki búinn að hreyfa mig í rúma þrjá mánuði.
Núna er ekki sjón að sjá mig, með harðsperrur dauðans og geng eins og önd, með rassinn út í loftið til að hlífa mjóbakinu.

En nú fer hver að verða síðastur að koma sér í form fyrir sumarið svo maður verði klár á línuskautana.
Ég var að spá í að halda smá grillveislu í lok maí, svona bland afmæli og innflutningspartý þar sem ég "gleymdi" alltaf að halda eitt slíkt. Er að pæla í hvort maður eigi að sleppa bjórnum þangað til. Eða ekki.

...
- grettir :: búinn að leggja í rauðvín og alles

Þetta er án efa einn af myglaðri (mánu)þriðjudögum sem ég man eftir. Djöfulsins lúxus ef maður væri í skóla og þyrfti ekki að mæta fyrr en á morgun, eins og sumir sem ákváðu að halda partý í nótt. Damn, þessi kalkipappír á milli íbúðanna er ekki að gera góða hluti.

Til að toppa daginn eru einhverjar framkvæmdir í næsta húsi hérna uppi í vinnu og einhver snillingur er að valta eins og hann fái borgað fyrir það. Tja, líklega fær hann það.. en það er constant 1,5 á richter hérna og ég er ekki hress.

...
- grettir :: mygl.

Ég vaknaði við símann um hádegi á laugardag og var minntur á að ég var búinn að lofa mér í hestaferð fyrir austan fjall.

Þar sem ég hitti það fólk nú svo sjaldan ákvað ég að skella mér, þrátt fyrir að ég gæti varla lyft hausnum upp frá koddanum. Eins og í alvöru hestaferðum var mikið drukkið, étið og haft gaman.

Ég reif mig svo á lappir um hádegi á sunnudaginn til að mæta í fermingarveislu. Þynnkan var ekki sem verst í gær, en harðsperrurnar, marin innanlæri og púngur, bakið allt í krumpi... það var verst. Mér líður eins og ég hafi verið að hlaupa maraþon í alltof þröngum nærbuxum með lóð í eftirdragi.

Já svona leið mér í gær. Í dag er ég skárri, en harðsperrurnar í bakinu eru ekkert að hverfa. Ég er ekki neinni þjálfun lengur.

...
- grettir :: jæja.. nú fer ég í gymmið

Ég hef verið menningarlegur með meiru í þessari viku. Að jafnaði fer ég ekki í leikhús nema einu sinni á ári, í mesta lagi. Í vikunni hef ég farið á tvö stykki, fyrst á Queen showið, We will rock you eða eitthvað svoleiðis, sem var alger sniiiild; og í gær fór ég á Abba showið sem var alveg fínt. Fannst grunsamlega margir strákar þarna tveir og tveir saman? Anyways, fékk mér bara Gin og var hress.

Ég er búinn að pæla í því lengi hvort ég eigi að tíma að kaupa ný dekk á bílinn hjá mér, en stykkið kostar um 31 þúsund. Ég tékkaði á þessu hérna í UK og hvað haldiði? Kvikindið kostar ekki nema 12 þúsund.
Þannig að með því að kaupa tvö, borgar sig að fljúga hingað og sækja. Og auðvitað verslaði ég bara tvö núna og er að pæla í að skreppa aftur seinna.

Verst hvað það verður leiðinlegt að dröslast með þetta í lestinni, en hvað leggur maður ekki á sig fyrir 38 þúsund kallinn sem maður spara, eða 76 fyrir öll dekkin. Ýmislegt skal ég segja ykkur, ýmislegt.

Fyndinn samt þrifgaurinn hérna á skrifstofunni. Hann var búinn að líma á dekkin svona gulan post-it miða sem á stóð: "No parking, please".
Eftir að hafa horft á Já, Ráðherra í den, þá hélt ég að Bretar hefðu ekki húmor. Það var rangt.

...
- grettir :: hlýt að rúlla í gegnum tollinn í þetta sinn