- grettir.net

Stundum er XP svo mikil gúrka. Þessar "bubbles" sem eru að poppa upp í tíma og ótíma neðst til hægri.. til að láta mann vita að netkapallinn sé tengdur og þetta og hitt.

Nú var að poppa upp "You desktop contains unused icons."
Svo kemur e-ð "Click here to clean up your desktop now."

Á desktoppinu mínu eru eftirfarandi icon:
"My Computer"
"Recycle Bin"
"My Documents"

Ef ég mætti spyrja, hvað á að hreinsa upp? Myndina af henni Evu Longoriu? Held nú síður!

Og ekki láta mig byrja á helvítis leitarhundinum, for crying out loud. XP professional með einhverjum skrípó karakter til að leita fyrir mann!

...
- grettir :: Windows FB (for babies)

Rakst á þetta í gær.. vel fyndið.

Ég er annars kominn með æluna á raunveruleikaþáttum. Ég meina, er þetta ekki trilljónasta serían af survivor? Sá einn þátt um daginn og þetta er alltaf eins.

...
- grettir :: nýtt trend, óraunveruleikaþættir!

Maður ætti kannski að taka U beygju í starfsframa og fara í pólitík.

Allavega gengur ríkið mitt á vefnum nokkuð vel, eftir nokkrar vel upplýstar ákvarðanir af minni hálfu.

Takið til dæmis eftir:
Grettirsbestistan's national animal is the hamster, which is also the nation's favorite main course

Hver væri svo líbó og skemmtilegur stjórnandi að hann leyfði át á þjóðarkvikindinu?

...
- grettir :: ég segi X grettir

Það var með herkjum að mér tækist að snúa við sólarhringnum eftir letilega páska. Fór ekki nema eitt kvöld út að djamma. Hin kvöldin var eintóm leti, sjónvarpsgláp og nice.

Var að tala við félaga minn fyrir páskana og vorum að pæla í því hvenær væri opið og hvenær væri vænlegast að fara út á lífið og komumst að því að það er alltaf eins og þetta séu fyrstu páskarnir manns. Aldrei man maður stundinni lengur hvernig páskarnir í fyrra voru.

Og í tilefni páskanna tók ég próf sem ég sá hjá Ósk:

You scored as Satanism. Your beliefs most closely resemble those of Satanism! Before you scream, do a bit of research on it. To be a Satanist, you don"t actually have to believe in Satan. Satanism generally focuses upon the spiritual advancement of the self, rather than upon submission to a deity or a set of moral codes. Do some research if you immediately think of the satanic cult stereotype. Your beliefs may also resemble those of earth-based religions such as paganism. atheism 100% Satanism 100% agnosticism 96% Paganism 79% Islam 67% Buddhism 50% Judaism 42% Christianity 8% Hinduism 0% Which religion is the right one for you? (new version) created with QuizFarm.com

...
- grettir :: engir páskar hjá mér að ári..

Fokk hvað er leiðinlegt að gera þetta skattframtal.

Fokk hvað ég var þunnur í gær.

...
- grettir :: dagpeningar, akstursdagbók, endurfjármögnun.. *æl*

Bíllinn minn er næstum tilbúinn. Hann er reyndar búinn að vera næstum tilbúinn í heila viku, en mig er búið að vanta nokkra varahluti til að klára dæmið, eins og stefnuljós, plastdrasl framan á stuðarann, vatnskassaviðgerð og nýtt númer.

Búinn að vera að spranga um á VW Póló síðastliðinn mánuð. Ágætur bíll, en enginn Bimmi. Þar að auki beinskiptur, I'm getting to old for that shit. Setti einmitt í gang um daginn í gír og brunaði bara af stað. Kom sér vel að það var grænt á Framnes-Hringbraut.

...
- grettir :: það verður svooo gaman þegar hann er kemur *bruuuund*

Sá endursýndan þátt um daginn á S1 sem heitir Allt í drasli.
Hræðilegur þáttur, en fékk mig til að líta aðeins og kringum mig og sá að ég þarf ráðskonu hið fyrsta, enda allt í drasli á Framnesveginum. Það er reyndar ekkert agalega skítugt, en það er bara dót út um allt.
Maður þarf eiginlega að flytja á tveggja ára fresti til að filtera út rusl sem maður er hættur að nota og skúra undir sófasettinu í leiðinni.

...
- grettir :: stefnir í boring daga framundan

Þegar dollarinn var hár þá var kvartað og kveinað yfir því hvað allt væri ómögulegt, dýrt að flytja inn dót og allt í pati.

Nú er dollarinn lengst niðri og þá er kvartað og kveinað yfir því hvað allt er ómögulegt og ekkert fæst fyrir fiskinn sem fluttur er út. Aldrei hægt að gera þessu pakki sem stjórnar þessu landi til geðs.

Auðvitað kemur þá upp sú umræða á alþingi að fella gengið til að bjarga nokkrum kvótakóngum og vinum - en um leið hækka skuldir almennings, hækka vöruverð og allt sem því fylgir.

Ég sver það, ef þeir fella gengið, þá fer ég og sparka í púnga og píkubein þarna niður á Austurvelli.

...
- grettir :: hættið að skipta ykkur af, þarna banana lýðveldis apakettir!

Samkvæmt frétt á mbl.is hefur Kardínáli nú tjáð sig opinberlega um "lygarnar" í Da Vinci Code.

Segir þar meðal annars:
Bókin er alls staðar. Það er raunveruleg hætta á því að margir sem lesi hana fari að trúa því að lygasögurnar í henni séu sannar

Hmm.. þetta minnir mig á aðra bók sem er til á mörgum heimilum og margir sem lesa hana trúa því að lygarnar í henni séu sannar.

...
- grettir :: ætli kardínáli sé með einkarétt á lygasögum?

Þegar fyrirtæki skipta um nafn þykir fínt að láta það enda á Group.

Ég hyggst bæta um betur og heitir grettir.net nú GN Groupies.

...
- grettir :: eða ekki

Stundum er ég ekki alveg í sambandi.

Áðan fór ég á fund sem á að vera á næsta mánudag. Ekki nóg með að ég færi á vitlausum degi, þá fór ég líka í vitlaust fyrirtæki.

Ég verð að fara fyrr að sofa á kvöldin.

...
- grettir :: rangur maður, á röngum tíma, í vitlausu húsi

Ég man ekki betur en Gillette hafi lofað því þegar ég keypti Mach 3, þá hafi allt skegg átt að fara. Þetta átti þriðja blaðið (þetta rándýra) að tryggja, en tvö voru víst ekki nóg, þrátt fyrir að því væri haldið fram áður en Mach 3 kom fram.

Núna er komin enn ein nýjungin og kalla þeir hana M3power (sem ég vil nú meina að sé BMW týpa, en látum það liggja á milli hluta) og er þetta nýja undur með batteríi.
Nú segja þeir að allt skegg eigi að fara, því Mach 3 var greinilega bara drasl sem virkaði ekki rassgat.

Ég hef gefist upp. Nú verður það bara Philips. Hún er með þar til gerðu hleðslu batteríi, hnífarnir endast í mörg ár og maður þarf ekki að splæsa í sápu ofan á allt annað (ég reyndar keypti raksápubrúsa úti í Bandaríkjunum í fyrrasumar og hann var í yfirstærð eins og allt í BNA og endist bara og endist).

...
- grettir :: Mr. Gillette, you're fired.. again

Frekar færi ég nakinn í Bónus en að láta bendla mig við Hollvinafélag Ríkisútvarpsins.

For crying out loud, það má leggja þetta bákn niður fyrir mér, enda ekkert spilling og viðbjóður sem þrífst þarna, þetta fer alltaf langt framúr fjárlögum og enginn og þá meina ég ENGINN nennir að hlusta á hundleiðinlegt ávarp útvarpsstjóra á gamlárskvöld.

...
- grettir :: þetta crap er hvorki stillt í minni á útvarpinu í bílnum, né á imbanum

Þó ég hafi lítinn áhuga á því að fá þennan skák apakött hingað á klakann, þá er eitt sem við gætum grætt á þessu máli.

Við setjum einfaldlega viðskiptabann á þessa fjandans Japani - sem augljóslega vita ekki að Dabbi er kóngurinn og allir eiga að sitja og standa eins og ríkisstjórnin leggur til - og losnum þannig við að flytja inn þessar Toyotu druslur. Þannig yrði kannski ekki helmingur af bílaflota landsmanna rauðar Corollur.

...
- grettir :: líta á björtu hliðarnar

Alltof mikið að gera. Hló samt þegar ég las fréttir af því að fjárfestingafélagið Grettir hefði keypt 34% í Keri.
Maður á að skilja Vísa kortið eftir heima á fylleríum. Ég finn ekki einu sinni þetta Ker.

...
- grettir :: Ker smér

Það er búið að vera læviblandið andrúmsloft á skrifstofunni í dag. Einhver maður er hér að taka út gæðakerfið okkar og tekur stikk prufur af verkefnum og athugar hvort ekki sé unnið eftir gildandi gæðastöðlum.
Ég er verkefnastjóri í nokkrum verkefnum og því lá fyrir að góðar líkur væru á því að ég yrði tekinn til yfirheyrslu og látinn svara fyrir mín verkefni.

Nú er klukkan að verða fjögur og hann hefur ekki komið í heimsókn til mín ennþá. Spurning um að laumast snemma heim.

Líka spurning hvort ég hafi jinxað þetta með því að fagna of snemma. Oh, well.

...
- grettir :: já herra kerfiskall, ég geri alltaf svona og svona, jájá. Skjölun? Huh?

Í kvöld fá hausar að fjúka, Skodar verða lyklaðir og sprengd á þeim dekk... þessi fokking nágranni var með partý til þrjú í nótt.
Kannski var hann að fagna því að Skódinn fór í gang í gærmorgun, en það verður einhver bið á því að það gerist aftur.

Ég þarf eiginlega að redda mér próftöflunni hjá hávaðaseggnum, taka mér frí þá viku og skipta um parket og eldhúsinnréttingu - með loftpressu. Verst ég veit ekki einu sinni hvernig bjáninn lítur út, því ekki hafði hann fyrir því að kynna sig þegar hann flutti inn.

Ég ætla að vona að bróðir hennar Maríu haldi myndarlegt partý fyrir ofan hann alla helgina.

...
- grettir :: skipti nú ekki oft skapi, en það eru takmörk fyrir öllu

Maður á auðvitað ekki að trúa öllu sem maður les á internetinu og ekki treysta misgáfulegum prófum sem maður tekur, en þetta fannst mér áhugavert:

Your Dominant Intelligence is Linguistic Intelligence

You are excellent with words and language. You explain yourself well. An elegant speaker, you can converse well with anyone on the fly. You are also good at remembering information and convicing someone of your point of view. A master of creative phrasing and unique words, you enjoy expanding your vocabulary. You would make a fantastic poet, journalist, writer, teacher, lawyer, politician, or translator.

...
- grettir :: tölvurgrúsk út og inn með ritvélina, það er metsölubók á leiðinni

Djöfull fer það í taugarnar á mér þegar kellingar mæta með ilmvatn í gymmið. Maður stendur á öndinni í einhverju púli og svíður í augun og öndunarfærin af því að einhver illa lyktandi beygla nennir aldrei í sturtu og kæfir svitafýluna með ilmvatni.

...
- grettir :: common people

Jæja, ég er búinn að flokka og minnka Ríó myndirnar niður í viðráðanlegar dánlód stærðir. Nú þarf ég bara að koma þeim í eitthvað albúm hérna.

En smá forskot á sæluna. Hér er fín mynd af mér og Óla Fly.

...
- grettir :: hehe

Ég er búinn að vera óhemju latur að vakna á morgnanna eftir Ríó rokkið um daginn og hef því þurft að vinna til sex sjö á kvöldin.
Vinnufélagarnir hafa verið að týnast heim milli fjögur og fimm og segja: "Svona er að mæta klukkan átta!" og gera grín að stráknum.
Well, guess what? Núna mætti ég átta, klukkan er núna hálf níu og það er enginn mættur.

Stundvísi er nefnilega bara listin að mæta rétt á undan öllum öðrum.

...
- grettir :: strákurinn verður líklega einn á leið út úr húsi rúmlega fjögur

Ég get ekki beðið eftir að Hitchhikers Guide komi í bíó. Ég er hreinlega að fá niðurgang af spenningi.

Nýi trailerinn er snilld ( ath. Hugi er svo bilaður að stundum verður að ýta tvisvar á linka þangað svo þeir virki ).

...
- grettir :: 42 42 42

Afmæli bjórsins í dag. Í tilefni dagsins ætlum við vinnufélagarnir að fá okkur öl í hádeginu.

...
- grettir :: bjór bjór bjór