- grettir.net

Hún móðir mín náði þeim merka áfanga að lifa í hálfa öld síðasta föstudag. Þegar hún var á mínum aldri átti hún 3 börn og einbýlishús með bílskúr. Í dag á hún 6 börn, svo það er óhætt að segja að mamma mín sé hörkukvendi.

Í tilefni dagsins bauð hún börnum og tengdabörnum út að borða á Rauðará. Það var ansi hreint skemmtilegt.

Sá spennutryllirinn The Descent í gærkvöldi. Þetta er án efa með betri spennu/hryllingsmyndum sem ég hef séð. Og hefur ekki týpískan amerískan endi - því hún er jú bresk.

Ef þið viljið pissa í buxurnar af spenningi - fá saltbragð í munninn og enda með poppið frá næsta manni yfir ykkur öll, drífið ykkur í bíó.

Snillingur

Svona svartsýnispésar eiga ekki að fá að nota blað og penna.

Hvaða djöfuls hræðsluáróður er þessi fjandans fuglaflensufaraldur? Hafa 60 hræður drepist úr þessu frá upphafi? Meiri líkur á að maður breytist í grænmeti í bílslysi á leiðinni til og frá vinnu.

Þetta er plott lyfjafyrirtækjanna til að koma út einhverjum rándýrum lyfjum sem þau sitja með á lager. Mun nær væri að vera með hræðsluáróður gagnvart krabbameini. Eða AIDS. Eða hitabylgjum. Eða fellibyljum. Held að þessum asna sem situr í Hvíta húsinu væri nær að undirrita Kyoto bókunina og reyna að sporna við hitnun jarðar.
Hversu kaldhæðið er það að apinn sá sé nýbúinn að koma sínum manni að hjá sameinuðu þjóðunum til að reyna að koma í veg fyrir allar slíkar undirritanir og þá skella met margir fellibylir á suðurströndina - einmitt af því að Mexíkó flói er orðinn svo heitur og fínn.

Þessi fuglaflensa er bara prump.

Update:
Fann grein um þennan John Bolton, vin Bush:
In an extraordinary intervention, United States appointee John Bolton has sought to roll back proposed UN commitments on aid to developing countries, combating global warming and nuclear disarmament.
Vinalegur náungi. *gubb*

Eins gott að ég er ekki með belg. Þá hefði ég þurft að taka strætó.

Fyrir þá sem eru á biðilsbuxunum, þá er kjörið að drífa sig niður í miðbæ núna. Tánið er fullt af kvenfólki.

Allt sölumönnum að kenna

Það eru alveg að koma jól, pælið í því.

Eftir músiktilraunir miðhæðarinnar aðfaranótt laugardags, til 7 um morgunin hefur verið tekin ákvörðun um að fóðra loftið með skriðdrekastáli og leigja síðan kofann út.
Vonandi finn ég leigjanda sem getur flæmt þessa tillitslausu apaketti í úthverfin.

Einhver er búinn að hringja í tvígang í dag með Private Number. Mér dettur ekki til hugar að svara svoleiðis. Líklega sölupakk.

Sumir greiða heilmikið fé fyrir slitnar og sjúskaðar gallabuxur. Þess þarf ekki ef maður situr á rassgatinu allan daginn og forritar.

Get því tekið að mér að slíta gallabuxum fyrir fólk sem ekki hefur tök á því sjálft. Víddin sem ég tek að mér er 32-33 og sídd 34.

Hermenn blogga.

I quote:
Margir þeirra halda vefdagbækur um þátttöku sína í stríðinu og hún er alls ekki alltaf í samræmi við hina opinberu útgáfu Bandaríkjastjórnar.

Maður spyr sig, hvað skyldi stjórnin hafa að fela?

Arrested Development er gott stuff.

Lögfræðingurinn Bob Loblaw (borið fram blabla) kemur sterkur inn:
Why should you go to jail for a crime someone else noticed? You don't need double talk, you need Bob Loblaw

Óborganlegt.

Einu sinni sem oftar var ég að hlusta á Smashing Pumpkins á leiðinni heim úr vinnunni. Að þessu sinni var ég búinn að hækka vel í Silverfuck af Siamese Dream, en það inniheldur langan svalan rólegan kafla.

Á sama tímapunkti og ég var í þann mund að skipta um akrein buldi við ægilegur trommugnýr og Billy gólaði eins og hann einn kann og gerir vel. Ég hélt ég hefði beygt í veginn fyrir einhvern, snarbeygði tilbaka, fékk svitadropa undir handarkrikana og hjartslátturinn óð í tæplega 180.

Það jafnast ekkert á við Smashing Pumkins.

Það er búið að standa lengi til að strekkja á viftureiminni í bílnum, enda fátt meira þreytandi en viftuvæl árla morguns.

Í gær dreif ég mig því í Byko og fjárfesti í þessu fína verkfærasetti til verksins. Ég var líka búinn að komast að því að róin sem heldur þessu öllu á sínum stað var orðin ansi slitin og ákvað ég að splæsa á eina nýja bara. Bruðla svolítið.

Ein ró kostar 2.74 kr. og þegar ég kom með hana til starfsmannsins, þá fussaði hann og sveiaði: "Eina ró? Pokinn kostar 7 kr." og var greinilega hissa á því að ég hafi ekki bara látið hana í vasann.
Ég fékk því lúkufylli fyrir 10 kr.

---

Ég er að fara með vinnufélögunum í sumarbústaðaferð um helgina. Það stefnir í met mætingu. Þar verður grillað, spilað, sullað í pottinum og drukkinn mikill bjór.
Prýðilegt.

Nú þarf maður ekki að hjakka í sömu stellingunni öll kvöld.

Ég kynni Pleasure Ball!

Í mogganum í dag er heilsíðuauglýsing frá Iceland Express þar sem segir: "Við byrjum að fljúga til þessa áfangastaða 16. maí 2005. Ef þú bókar snemma færðu ódýrustu sætin".

Ég væri svo sem alveg til í að spóla til baka og upplifa febrúar 2005 aftur. Þá gæti ég bókað ódýrt og ekki má gleyma því að í febrúar var ég í sólinni í Ríó.

Júmbó eru miklu betri samlokur!

Ég kíki stundum á Víkurfréttir (ekki spyrja).

Þetta er hin hressasta lesning, enda önnur hver frétt af lögreglunni í Keflavík sem er ansi upptekin við að halda uppi lögum og reglu.

Dæmi um daginn í dag:

Klippurnar á lofti í nótt

Rauði krossinn safnar til hjálparstarfsins á skjálftasvæðum

Norðaustan átt og léttskýjað

Gripinn í bólinu eftir að hafa ekið niður umferðarskilti

Video: Bláa lónið stækkað

Hópslagsmál í Keflavík

Bjart og úrkomulaust í dag

Tilraunir með hreyfimyndir á vf.is

Dónalegir írskir rafstöðvasölumenn klagaðir til lögreglu

Líf og fjör í Keflavík greinilega.

Meira hvað þessir grannar eru dedd. Ljómandi ömó tónlist glamrandi í kofanum við heimkomu.
Sem betur fer á ég Interpol til að yfirgnæfa ófögnuðinn. Spá í að skilja það eftir á repeat og fara.

Kominn tími til að fara með bimmann í skoðun og að því tilefni dreif ég mig í að láta setja í hann bremsur.
Þær eiga eftir að koma sér vel.

Ég tognaði næstum í hálsinum þegar ég steig á þær í fyrstu ferð.

Byrjað að snjóa hérna uppi á Lynghálsi. Spurning um að leita sér að vinnu á suðlægari slóðum.

Í kvöld verður aðalfundur starfsmannafélagsins. Það stefnir í harðan kosningaslag um helstu embætti eins og vanalega og mikið verður drukkið af bjór.

Um næstu helgi er ég svo að fara í sumarbústað með vinnufélögunum - pottapartý, grill og öl.

Meiri bytturnar þessir vinnufélagar mínir. Sem er gott.

Ég verð að fjárfesta í almennilegri tölvu undir vefsíðuna. Þessi er að kúka á sig. Þegar ég kom heim áðan gaf hún frá sér hljóð eins og reykskynjari, en hún hafði ofhitnað í morgun.

Sem er skrýtið, því ég er hættur að kynda.

Nú man ég afhverju ég horfi aldrei á Rúv.

Það var að byrja bein útsending frá alþingi. *gubb*

Fór í klippingu í dag. Enn á ný er ég orðinn bráðmyndarlegur.

Með sama áframhaldi, þá verður Idolið beint frá Smáralindinni eftir áheyrnarprófin.

Komust tveir í gegn? Þrír? Og Bubbi var verri en nokkru sinni.

Anywho, þetta var hin mesta skemmtun. Við grilluðum heima og drukkum mikið öl með.